21 тамызда Қазақстан Республикасы Президенті Іс басқармасы Медициналық орталығының (бұдан әрі –Медициналық орталық) және ведомстволық бағынысты ұйымдардың қызметкерлеріне арналған Social media marketing (СММ) бойынша арнайы тренинг өтті. Тренингті Қазақстан Республикасы Президентінің Іс басқармасы ұйымдастырды.
Қазақстан Республикасы Президентінің жанындағы Мемлекеттік басқару академиясының баспасөз хатшысы Ақерке Берлібай ұйымның аккаунттарын жүргізу мен мониторингілеу, жарияланымдардың құрылымы мен форматы, сондай-ақ әлеуметтік желілер әлеміндегі трендтер туралы егжей-тегжейлі айтып берді.
Тренинг барысында Медициналық орталықтың ведомстволық қарасты ұйымдарының әлеуметтік желілердегі қолданыстағы парақшалары, теріс түсініктемелермен жұмыс істеу қағидалары, сондай-ақ әлеуметтік желілердегі кері байланыс нысандары талданды.
