Сапалы білім-табысқа апарар жол

Қазақстан Республикасы Президенті Іс басқармасы Медициналық орталығының "Қарлығаш" балабақшасы базасында "Мектеп жасына дейінгі балаларды тәрбиелеу мен оқытудың тиімді әдістерін қолдану тәжірибесі" тақырыбында онлайн режимінде аймақтық семинар өтті. Семинардың негізгі ұйымдастырушысы және модераторы кәсіпорынның үздік тәжірибесі трансферті шеңберінде имидждік іс-шараларды ұйымдастыру құзыретіне кіретін ресурстық-білім беру орталығы.

Онлайн шараның мақсаты – Кәсіпорын педагогтерінің тәрбие-білім беру процесінде тиімді қолданып жүрген әдіс-тәжірибелерін тарату, сондай-ақ республика өңірлері мен шет елдердің мектепке дейінгі ұйымдарының табысты даму тәжірибесін зерделеу болды.

Семинар жұмысына Ресейдің халықаралық серіктестері (Мәскеу қ., РФ) - "Столица" Бизнес Мектебі (п. ғ. д. Круглова Л.Ю) және "Балалық шақ сарайы" ЖМ (п. ғ. к Данилина Т.А), кәсіпорынның әлеуметтік серіктестері - ҚР БҒМ "Мектепке дейінгі балалық шақ "республикалық орталығы" РММ (р. Ж. Базарбаева), Нұр-сұлтан қ. "Астана" халықаралық университеті (С. А. Ирсалиев), "Өрлеу" басқарушы және педагог кадрлардың біліктілігін арттыру ұлттық орталығы" АҚ филиалы (Нұр-сұлтан қ. бойынша) ҚР БҒМ (Чокушева А.И) және Ақмола және Қарағанды облыстарының мектепке дейінгі мекемелерінің педагогтері жалпы алғанда барлығы 100-ге жуық педагог қатысты.

Аймақтық семинардың салтанатты ашылуы кәсіпорынның балабақшалары туралы имидждік роликтің көрсетілуімен басталды. "Қарлығаш" балабақшасының директоры Искакова Гүлнара Қайроллақызы құттықтау сөз сөйледі.

- Құрметті әріптестер, қазіргі уақытта – Қазақстанда Мектепке дейінгі білім беруді дамытудың жаңа жолдарын іздестіру уақыты! Инновацияларды іздеу және игеру, жаңа технологиялар мен әдістемелерді қолдану мектепке дейінгі білім беру сапасын және оның нәтижелілігін арттыруға ықпал етуі тиіс. Бүгінгі сапалы білім-табысқа апарар жол және экономиканы дамытудың басты құралы. Оның кілті-сапалы, қолжетімді және заманауи білім беру. Барлық қатысушыларды аймақтық семинарда қарсы алуға қуаныштымын! Сіздердің қатысуларыңыз біз үшін-үлкен құрмет!

Өңірлік семинар "Қарлығаш "балабақшасы" ШЖҚ РМК үшін мерейтойлық жылы өтті. Биыл ашылғанына 10 жыл толды. Өзінің он жылдық мерейтойында кәсіпорын белгілі бір нәтижелерге қол жеткізді деп айтуға болады. Кәсіпорын ҚР СТ ИСО 9001-2016 (ISO 9001:2015) сапа менеджменті жүйесінің сәйкестік сертификатын алған республикадағы жалғыз мектепке дейінгі ұйым болып табылады. Қазіргі уақытта бұл балабақшалардың тұтас кешені, онда әр мектепке дейінгі ұйымның өзіндік бағыты бар: көркем-эстетикалық, дене шынықтыру-сауықтыру, танымдық-сөйлеу.

Семинарда заттық-дамытушылық кеңістіктікті және тілдік ортаны ұйымдастырудың тәжірибесі таныстырылды. Кәсіпорын педагогтері баланың психо-эмоционалдық денсаулығын сақтау мен нығайтудың оңтайлы жолдарын қамтамасыз етуге мүмкіндік беретін ұйымдастырылған оқу қызметін жүргізудің тиімді технологиялары мен әдіс-тәсілдерін қолдану, баланың сөйлеу дағдысын дамыту және сауықтыру жұмыстарында жаңа тәсілдерді қолданудың тәжірибелерімен бөлісті. Реджио-тәсілдердің этноұлттық құрамдас бөлікке бейімделу тәжірибесі, балалардың эксперименттік-зерттеу және танымдық қызметін дамыту және олардың экологиялық тәрбиесі туралы презентациялар қатысушылардың қызығушылығын туғызды.

Мәскеулік әріптестер VUCA тұжырымдамасының қазіргі тенденцияларын ескере отырып, жаңартылған білім беру мазмұны жағдайында балалармен жұмыс жасаудың сәтті тәжірибесімен бөлісті. Олар Сингапурлық, Эйдетика әдісі, ТРИЗ-технологиялар, «төңкерілген оқыту» (flipped classroom), Брайд және Морзе әліппесін пайдалана отырып ақпаратты кодтау (Швед әріптестердің әдісі бойынша), «Мобильді технологиялар» (Блум әдісі бойынша), Thinking.com интерактивті плакатын қолдану сияқты инновациялық технологияларға тоқталып өтті.

Аймақтық семинар пікірлестер үшін практикалық тәжірибелер бойынша ақпарат алмасудың алаңына айналды. Аймақтық мектепке дейінгі ұйымдармен ынтымақтастықты дамытудың және әлемдік білім беру ортасына ықпалдасудың іргесі қаланды.

Шара барысында семинарға қатысушылар «Алматы кітап баспасы», «Арман ПВ» баспалары ұйымдастырған «МДҰ арналған оқу-әдістемелік кешендер» онлайн-көрмесімен және «ПрофиКонсалтинг Астана» ЖШС ұсынған STEAM-технологиямен танысты.

Семинар қорытындысы бойынша қатысушылар аталған іс-шараның дер кезінде өткізіліп отырғанын және оның өзектілігін, материалдардың жоғары әдістемелік деңгейде кәсіби түрде ұсынылғанын, сондай-ақ іс-шараның жаңа форматта ұйымдастырғанын атап өтті.

Өңірлердегі балабақшалардың практик-педагогтері Кәсіпорын тәжірибесіне қызығушылық танытты, мектеп жасына дейінгі балаларды тәрбиелеу мен оқытудың заманауи технологиялары мен әдістемелерін пайдалана отырып, тиімді әдістерді трансферттеу мақсатында ынтымақтастықты арттыру қажеттілігін жеткізді. Тәжірибелі қатысушыларының пікірінше, семинардың ақпараты мен материалдары отандық мектепке дейінгі білім беру сапасын жақсартуға бағытталған және педагогтердің біліктілігін арттыруға тиімді ықпал ететін маңызды ресурс болып табылады.