Ағымдағы жылдың 14 мен 16 ақпан аралығында «Қарлығаш» балабақшасында РБО әдіскері «Балалардың «4К» қабілеттерін дамытуға көмектесетін сингапурлық технологияларды тиімді қолдану» тақырыбында тәжірибелік семинар өткізді.
Сингапурлық оқыту технологиясы - күнделікті сабақты қызықты да мазмұнды ойынға айналдыратын, берілген тапсырмаларды шешудің бірнеше жолын балаларға өз беттерінше іздеуге көмектесетін мықты құрал.
Бұл технология - доктор Спенсер Каган, Л.Выготский, В.Давыдов және т.б. ғалымдардың бірлескен оқыту жүйесіне негізделген. Бұл - құрылымдар (барлығы 250-ге жуық құрылым) деп аталатын тезистер мен формулалар жиынтығы.
Кәсіпорын педагогтері өз жұмыстарында сингапурлық «High-five!», «Manage Mat» әдістерін кеңінен қолданады және бұл әдіс балалардың шығармашылық белсенділігін арттырып, ынталандырады. Олар өз бетінше ойлауға және қойылған сұрақтарға жауап табуға, бір-бірінің жауабын толықтыра отырып, бірлесіп жұмыс істеуге үйренеді. Пікір алмасу барысында балалардың қарым-қатынас дағдылары мен сыни ойлау қабілеті дамиды.
Педагог қазіргі заманғы инновациялық технологиялар мен әдістерді оқу процесінде кеңінен қолдана отырып, білімнің жалғыз көзі болудан қалады. Ол - бағыттаушы, қолдаушы, ынталандырушы ересек адам. Педагог балаларға бағыттаушы болып қана қоймай, олардың дамуына және білім алуына көмектеседі.
