Балалар жылы аясында «Қарлығаш» балабақшасында «Ең спортшыл отбасы» атты шара ұйымдастырылды. Спорттық шараның мақсаты – салауатты өмір салтын насихаттау, балаларды спортпен айналысуға баулу.
8 командадан құралған спорттық шараға ересек және мектепалды топтардың балалары мен ата-аналары қатысты.
Балалар ата-аналарымен бірге түрлі сайыстарда бақ сынап, тапқырлық, ұшқырлық пен жылдамдық көрсете отырып өздерін ең спортшыл отбасы атына лайық екендіктерін көрсетуге барынша күш салды. Жарыс нәтижесі бойынша командалардың нәтижелері теңесіп, достық жеңді. Қатысушылар түрлі номинациялар бойынша марапатталып, балаларға грамоталар мен сыйлықтар табысталды.
Іс-шара ұйымшылдықпен, патриотизммен ерекшеленіп, барлық қатысушыларға көтеріңкі көңіл-күй сыйлады. Ең бастысы, балалардың жадында бұл күн отбасымен бірге өткен ұмытылмас сәт ретінде есте қалары анық.
