2022 жылғы 18 қарашада ҚР Президенті Іс басқармасының Медициналық орталығының Басшысы Алексей Цой ҚР Президенті Іс басқармасының Орталық клиникалық ауруханасының ұжымына жаңа Президент – Асхат Браловты таныстырды.
Ақтөбе мемлекеттік медицина институтының «Емдеу ісі» мамандығы бойынша түлегі. 2010 жылы Қазақстан Халықтар достығы университетін «Экономика» мамандығы бойынша бітірген.
Медицина ғылымдарының докторы, PhD, МВА.
Еңбек жолын Ақтөбе қаласының Облыстық клиникалық ауруханасында медициналық санитар, «А.Н.Сызғанов атындағы Ұлттық ғылыми хирургия орталығы» АҚ хирургия ғылыми орталығының аспиранты болып бастады, ҰҒМО қалпына келтіру хирургиясы және трансплантология орталығының жетекші ғылыми қызметкері, Астана қ. ҰҒМО бөлімшесінің меңгерушісі болып жұмыс істеді.
Әр жылдары «Республикалық жедел медициналық жәрдем ғылыми орталығы» АҚ стратегиялық даму жөніндегі директоры, ҚР ПІБ Медициналық орталығы бастығының орынбасары, Астана қаласы әкімдігінің «№1 Қалалық ауруханасында» бас дәрігердің инновациялық қызмет жөніндегі орынбасары, Астана қаласы әкімдігінің «№10 Қалалық емханасында» бас дәрігер, «Ұлттық нейрохирургия орталығы» АҚ стратегия және ғылым жөніндегі директор қызметтерін атқарды.
Қазақстан Республикасы Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен, «Қазақстан Республикасының тәуелсіздігіне 20 жыл» мерейтойлық медалімен марапатталған.
Асхат Браловтың ұйымдастырушылық қабілеті зор. Ол денсаулық сақтау саласының белсенді жаңашылдарының бірі.
