Қазақстан Республикасы Президенті Іс басқарушысының орынбасары Маржан Әкімжанова бастаған делегация жұмыс сапарымен Ресей Федерациясы, Ессентуки қаласындағы Кавказ минералды сулары ерекше қорғалатын экологиялық-курорттық аймағында орналасқан «Қазақстан» емдеу-сауықтыру кешеніне келді. Сапар барысында делегация көпсалалы кешеннің жұмысымен, бағдарламасымен және емдеу әдістерімен танысты.
Сондай-ақ ҚР ПІБ өкілдері іссапар аясында заманауи медициналық жабдықтармен жабдықталған кешеннің емдеу ғимараттарында болып, медициналық бөлімшенің мүмкіндіктеріне баға берді. Сонымен қатар, шипажай ұжымымен кездесу өткізіп, алдағы уақытқа даму жоспарын белгіледі.
Жұмыс сапарының қорытындысы бойынша ҚР Президенті Іс басқарушысының орынбасары сапалы санаторий-курорттық медициналық қызмет көрсету, оның ішінде сауықтыру және оңалту бойынша бірқатар ұсыныстар берді.
