Перкутанды нефролитотрипсия – бүйрек ішіндегі тасты аз инвазивті ота барысында лазер мен ультрадыбыс көмегімен біртіндеп ұсақтап, алып тастау тәсілі. Заманауи медицинада нефролитотрипсия несеп-тас ауруын емдеудің ең қолайлы әдісі саналады. Бұл технология тастарды алып тастауда қолданылатын дәстүрлі тәсілге балама ретінде пайда болған.
1-2 сағатқа созылатын отадан кейін пациент реаниматологтың қадағалауында болады, одан кейін емдеуші дәрігердің қарауына тапсырылады. Төсектен тұрып, су-тамақ ішуге әдетте бір күннен кейін рұқсат беріледі. Одан соң емделуші 3-5 күн стационарда жатуы қажет.
Аталған тәсіл 2022 жылдың қазанынан жүзеге асырыла бастады. Қазір урология бөлімшесінде мұндай ота ойдағыдай жасалып келеді.
