Қостанай облысында «ҚР ПІБ Медициналық орталығының күндері» аясында Медициналық орталықтың мамандары медицина саласындағы жаңа әдістемелерді енгізе отырып, кәсіби деңгейде тегін консультациялар өткізді.
Екі күн ішінде Медициналық орталықтың қызметкерлері нейрохирургия саласында тегін консультациялар берді. Сондай-ақ, жергілікті тұрғындарға 15 күрделі операция, өңір дәрігерлеріне оннан аса презентация мен шеберлік сабағын өткізді. Аймақ дәрігерлері сарапшылармен белсенді сөйлесіп, сұрақтар қойып, тәжірибе алмасты. Шеберлік сабақтарда білікті мамандар бұрын соңды өңірде қолданылмағанын әдістерін көрсетіп, жергілікті дәрігерлерге заманауи білім мен өз тәжірибелерін арттыруға мүмкіндік бергенін атап өткен жөн.
Мұның бәрі Қазақстандағы медицинаның сапасын арттыруға және өңірлік денсаулық сақтау жүйесін дамыту арқылы халыққа жоғары технологиялық медициналық қызметтердің қолжетімділігін арттыруға көмектеседі.
