Медициналық орталық пен IMS Group өкілдері медицина саласындағы ынтымақтастық және тәжірибе алмасу мәселелерін талқылауға бағытталған келіссөздер жүргізді. Кездесуге ҚР ПІБ Медициналық орталығының басшысы Алексей Цой, ҚР ПІБ Медициналық орталығы басшысының орынбасары Жандос Жұмабеков, IMS Group компаниясының президенті Тэцуя Накамура мырза қатысты.
Кеңес барысында ауыр ауруларды емдеудің озық технологиялары мен жаңа әдістерін енгізу мүмкіндігі талқыланды. Алексей Цой аталған мәселелердің маңыздылығын атап өтіп, ұйымдар арасындағы одан әрі тығыз ынтымақтастыққа сенім білдірді.
IMS Group - 1956 жылы ашылған Жапонияның ең ірі медициналық компанияларының бірі. Қазіргі таңда ол 150-ден астам клиникасы (шамамен 12 мың төсек) бар жоғары сапалы медициналық көмек көрсететін беделді медициналық мекеме болып саналады.
