Бүгін 1 желтоқсанда ҚР ПІБ Медициналық орталығының басшысы Алексей Цой LOWOXYGEN Technology GmbH компаниясының бас директоры Фолькер Шпигель мырзамен кездесті.
Фолькер Шпигель – құрметті докторы, MBA, MSS, LOWOXYGEN Technology технологиясын ойлап шығарушы және Халықаралық алдын алу медицинасы қоғамының мүшесі.
Кездесуге ҚР ПІБ Медициналық орталығы басшысының орынбасары - Людмила Бюрабекова, Медициналық орталығы ауруханасының, Орталық клиникалық аурухананың және «Оқжетпес» емдеу-сауықтыру кешенінің басшылары қатысты.
Іс-шара барысында Медициналық орталықтың ауруханалары мен санаторийлері базасында Lowoxygen жасанды биік таулы климат құру технологиясын енгізу, сондай-ақ осы бағыттағы болашақ ынтымақтастық мәселелері талқыланды.
2019 жылы зерттеушілер осы әдісті ашқаны үшін медицина бойынша Нобель сыйлығын алған. LOWOXYGEN Technology - қарапайым таза ауаны оттегі мен азот молекулаларына бөлу процесіне негізделген, патенттелген бірегей технология.
LOWOXYGEN Technology профилактикалық терапиясы ең алдымен келесі мақсаттарға бағытталған:
• Тыныс алу жүйесі ауруларын төмендету;
• Өкпе жұмысын жақсарту;
• Иммундық жүйені нығайту;
• Ұйқы сапасын жақсарту;
• Физикалық және жүрек-қан тамырлары ауруларын емдеу.
Кездесу соңында шетелдік қонақтарға Медорталық ауруханасына экскурсия ұйымдастырылып, ауруханада ұсынылатын оңалту қызметтері туралы таныстырылым жасалды.
