ҚР ПІБ Медициналық орталығы 2023 жылдың қорытындысы бойынша ҚР ПІБ ведомстволық қарасты ұйымдар арасында өткен спорттық жарыстарда жалпы командалық есеп бойынша бірінші орынға ие болды. Жарыстар ағымдағы жылдың наурыз-қазан айлары аралығында өтті.
Жыл бойы ҚР ПІБ Медициналық орталығы басшысының орынбасары Жұмахан Шалкеновтың жетекшілігімен Медициналық орталық қызметкерлері түрлі спорт түрінен өздерінің ептілігін, табандылығын, ұжымдық бірлік рухын көрсете алды.
Жекелеген спорт түрлерінің нәтижелері бойынша:
✓ Үстел теннисі: 1 орын
✓ Бильярд: 3 орын
✓ Шағын футбол: 2 орын
✓ Тоғызқұмалақ: 2 орын
✓ Волейбол: 2 орын
Бұл керемет жетістіктер Медициналық орталығы ұжымының салауатты өмір салтын ұстануға деген құштарлығын көрсетеді. Спорттық іс-шараларға қатысу физикалық және психикалық денсаулықты нығайтып ғана қоймай, командалық рухты қалыптастыруға ықпал етеді.
ҚР ПІБ Медициналық орталығы денсаулық сақтау саласында ғана емес, қызметкерлер арасында белсенді өмір салтын насихаттауда да көшбасшы ретінде танылды.
Барлық қатысушыларымызды спортқа деген қызығушылығы мен жеңіске деген ұмтылысы үшін алғыс білдіреміз. Отбасыларыңызға амандық, бақ-береке тілейміз.
