ҚР ПІБ Медициналық орталығының тәжірибелі мамандары Қарағанды облысында «ҚР ПІБ Медициналық орталығының күндері» аясында екі күн бойы нейрохирургия, аритмология, гинекология, пульмонология, урология және басқа да салалар бойынша тегін консультациялар, презентациялар мен шеберлік сабақтар өткізді.
Екі күннің қорытындысы бойынша 18 операция, 100-ден астам консультация, 600-ге жуық тыңдаушыны қамтитын 19 шеберлік сағаты мен презентация ұйымдастырылды.
Өткен кездесулерде денсаулық сақтау саласындағы өзекті мәселелер талқыланып, диагностика мен емдеудің жаңа әдістері ұсынылды. Кейбір көрсетілген тәсілдер бұл аймақта бұған дейін қолданылмаған еді.
«ҚР ПІБ Медициналық орталығының күндері» Қарағанды облысында медициналық көмек көрсетіп, өңірлік денсаулық сақтау жүйесін дамытады.
