«ҚР ПІБ Медициналық орталығының күндері» аясында Медорталық Қарағанды облысындағы кезекті іс-сапарын аяқтады. 26-29 ақпан аралығында ҚР ПІБ Медициналық орталықтың үздік мамандары (нейрохирург, аритмолог, гинеколог, пульмонолог, уролог және т.б.) облыс тұрғындарына 25 операция мен 130-дан астам консультация өткізді. Ал облыс дәрігерлеріне 26 презентация мен шеберлік сабақтарын ұсынды. Аталған іс-шаралар 1000-нан астам тыңдаушыны қамтыды.
Медициналық орталық ауруханаларының дәрігерлері облыс аймағында бұрын-соңды болмаған бірегей операцияларды сәтті аяқтады. Мамандарға жүгінген пациенттердің басым бөлігі күрделі диагнозы бар өңір тұрғындары болып табылады.
Санитарлық-эпидемиологиялық сараптама орталығының өкілдері АМСК тақырыбында облыс мамандары үшін презентациялар өткізді.
Ал «Қарлығаш» балабақшасының өкілдері 5 балабақшаның қызметімен танысып, 40 педагогті қамтыған дөңгелек үстел жұмысына қатысты.
Сондай-ақ, сапар аясында Медициналық орталық пен Қарағанды облысының әкімдігі арасында өзара Ынтымақтастық туралы меморандумға қол қойылды.
«ҚР ПІБ Медициналық орталығы күндерінің» негізгі мақсаты - тәжірибе алмасу, әлемдік стандарттарға сай озық технологияларды трансферттеу және медицина мамандарының біліктілігін арттыру.
Ағымдағы жылы Қазақстанның басқа өңірлерінде де осындай іс-шараларды ұйымдастыру жоспарлануда.
