ҚР Президенті Іс басқармасы Медициналық орталығының өкілдері жұмыс сапары аясында Түркістан облысына келді. Бұл сапардың негізгі мақсаты өңірдің денсаулық сақтау саласында жаңа перспективалар мен мүмкіндіктерді дамыту болып табылады.
ҚР ПІБ Медициналық орталығы делегациясының сапары №3 Облыстық перинаталдық орталығына барудан басталды. ҚР ПІБ Медициналық орталығының басшысы Алексей Цой медициналық мекеменің жұмысы мен жабдықталуын бағалап, сондай-ақ перинаталдық орталық қызметкерлерімен кездесті.
Медициналық орталықтың делегациясы өз қызметін жергілікті ұжымға таныстырды. Медициналық орталық ауруханасы мен Ұлттық госпитальдың басшылары өз мекемелері қызметінің стратегиялық бағыттарын ұсынды.
23 сәуірден бастап Түркістан облысында ҚР Президенті Іс басқармасы Медициналық орталығының күндері өтіп жатыр. Оның шеңберінде Медициналық орталықтың жетекші дәрігерлері жергілікті тұрғындарға практикалық және консультациялық-әдістемелік көмек көрсетіп, шеберлік сыныптары мен күрделі жоғары технологиялық операциялар жүргізуде.
Атқарылып жатқан жұмыс ішкі медициналық туризмді дамытуға, еліміздің денсаулық сақтау жүйесіне жаңа технологияларды енгізіп, халыққа медициналық көмек көрсету мүмкіндіктерін кеңейтуге бағытталған.
