ҚР Президенті Іс басқармасы Медициналық орталығы өткізген медициналық акцияның екінші күнінде ҚР ПІБ МО Ауруханасы мен Ұлттық госпиталінің жетекші дәрігерлері өңірдің 147 тұрғынына кеңес беріп, 13 күрделі ота жасады.
Сондай-ақ, ҚР ПІБ Медициналық орталығы жүйесінің жоғары білікті мамандары 9 презентация мен тренинг ұйымдастырды, олардың жалпы қамтылуы 310 қатысушыны құрады.
«Сапарымыздың екінші күні Батыс Қазақстан облысының ауруханаларындағы әріптестеріміз үшін шеберлік сағаттары ұйымдастырылды. Күннің бірінші жартысын операция бөлмесінде өткізіп, 4 операция жасадық. Екінші жартысында әріптестерімен бірге дәрістер оқып, олар аяқталғаннан кейін пациенттерді талдау үшін реанимация бөліміне оралдық. Шұғыл келіп түскен пациенттерге кеңес берілді, орталық веналарды катетеризацияладық. Осы тақырыпқа әріптестерімнің үлкен қызығушылығын байқап, олармен Медициналық орталық ауруханасының базасында оқытуды жүзеге асыру туралы әңгімелестік», - деп атап өтті ҚР ПІБ МО ауруханасының Анестезиология, реанимация және қарқынды терапия бөлімшесінің меңгерушісі Бауыржан Бабашев.
Диагностикалық және медициналық көмек алған пациенттер медициналық орталық делегациясы мүшелерінің кәсібилігіне риза болды. Батыс Қазақстан облысының тұрғындары алғыс білдіре отырып, бұл акция жалғасын табады деп үміттенеді.
