ҚР ПІБ Медициналық орталығында Қазақстан Республикасының Конституциясы күнін мерекелеуге арналған салтанатты шара ұйымдастырылды. Бұл маңызды мереке жоғары кәсібилік көрсеткен қызметкерлерді марапаттаумен аталып өтті.
Шара аясында Санитарлық-эпидемиологиялық сараптама орталығының фойесінде «Орталық тарих беттерімен» және «Елімізбен бірге өсеміз» атты фотокөрме ашылды. Көрме Орталықтың қалыптасуы мен дамуының маңызды кезеңдерін көрсетіп, оның Қазақстан Республикасының тарихымен және жетістіктерімен ажырамас байланысын көрсетті.
Іс-шара Қазақстан Республикасының Мемлекеттік Гимнін салтанатты түрде орындаумен ашылды. ҚР ПІБ Медициналық орталығының басшысы Алексей Цой құттықтау сөз сөйледі. Орталық басшысы мерекенің маңыздылығына тоқталып, еліміздің медициналық саласын дамытуға қосқан үлесі үшін ұжымға алғысын білдірді.
«Конституция күні – еліміздің тұрақтылығы мен құқықтық дамуының символы. Конституция біздің құқықтарымызды бекітіп қана қоймайды, сонымен қатар бізді әлеуметтік прогрестің даңғыл жолына салады. Денсаулық сақтау саласында Негізгі Заң әрбір азаматтың денсаулығын сақтау және медициналық көмек алу құқығын қамтамасыз етеді. Осы өмір сүру құқығын күнделікті өмірге әкеліп, ұлт денсаулығына қамқорлық танытып жүрген сіздер, біздің медицина қызметкерлерісіздер»,- деді Алексей Цой.
Ресми бөлімнен кейін медициналық орталық жүйесінің үздік қызметкерлерін жетістіктері мен көп жылдық еңбегі үшін марапаттау рәсімі өтті. Бұл олардың еңбегін мойындау ғана емес, аталған орталықтың медициналық көмектің жоғары стандарттарын сақтауының белгісі.
Санитарлық-эпидемиологиялық сараптама орталығының директоры Сәуле Шәріпова да құттықтау сөз сөйлеп, медицина саласын дамытуда дәстүр мен сабақтастықты сақтаудың маңыздылығын айтты.
Іс-шара мерекелік бағдарламамен аяқталды, оның барысында шығармашылық топтар өнер көрсетіп, ұмытылмас мерекелік атмосфераны қалыптастырды.
