Президент Іс басқармасы Медициналық орталығына қарасты шипажайлар желісінде 2024 жылы 45 мыңға жуық адам сауықтыру шараларынан өткен.
Оның ішінде «Оқжетпес» емдеу-сауықтыру кешенінде 27.554 адам, оның 1.936 шетел азаматтары, «Almaty resort» Алматы қаласындағы шипажай филиалында 10.992 адам, оның 261-і шетелдік қонақтар, Ессентуки курорттық қаласында орналасқан «Қазақстан» шипажайында 4.881 адам сауықтыру шараларынан өткен. Оның 1.489 адамы шетел азаматтары.
«Оқжетпес» брендіне бүгінде үш ірі шипажай кіреді. Олар: Бурабайдағы «Оқжетпес», Алматы қаласында орналасқан «Almaty resort» және Ессентуки курорттық-аймағындағы «Қазақстан» шипажайы. Әр шипажай 13 сауықтыру және 10-нан астам оңалту бағдарламасы мен 112 емдік шараларын ұсынады.
Еліміздегі медициналық туризмді дамыту мақсатында әр шипажай бірегей емделу бағдарламаларын ұсынады. Үш шипажайға шетел азаматтар тарапынан қызығушылық артып келеді. Оның ішінде көш бастап тұрған Ресей мен Әзірбайжан мемлекеті.
Ең көп сұранысқа ие емшаралар тізімінде сумен емдеу (гидротерапия), галотерапия, пантотерапия және нафталан шаралары.
