Өткен демалыс күндері ҚР Президенті Іс басқармасының жүйесіне қарасты ұйымдар қызметкерлері арасында жыл сайынғы спартакиада басталды.
Жыл соңына дейін созылатын ауқымды спорттық дода шаңғы жарысынан басталды. Сайыста ҚР ПІБ Медициналық орталығына ведомстволық қарасты ұйымдардың қызметкерлері белсенділік танытып, жүлделі орындарға ие болды.
Спартакиада еркін форматта өткізілді. Қатысушылар 35 жасқа дейінгі және одан жоғары жас санаттарына бөлініп, әйелдер 0,5 км қашықтықты бағындырса, ерлер 1 км қашықтықты жүріп өтті.
Медициналық орталық қызметкерлерінің жетістіктеріне тоқталсақ:
Әйелдер (35 жасқа дейін)
1 орын – Меңсұлу Нұрқанова («Оқжетпес» ЕСК)
Ерлер (35 жасқа дейін)
2 орын – Аян Алдабергенов («Қарлығаш» балабақшасы)
Ерлер (35 жастан асқан)
3 орын – Сергей Прохоров («Оқжетпес» ЕСК)
Жеңімпаздарға ұйымдастырушылар тарапынан мәртебелі кубок пен дипломдар табысталды.
Барлық жүлдегерді ҚР ПІБ Медициналық орталығы атынан шын жүректен құттықтаймыз! Жеңісті күндерде жүздескенше!
