Толық геномдық секвенирлеу (WGS – Whole Genome Sequencing) – бұл белгілі бір организмнің барлық ДНҚ-сын талдауға мүмкіндік беретін әдіс. Ол бактерия, вирус, өсімдік, жануар немесе адам болсын, кез келген тірі организмнің толық ДНҚ тізбегін анықтауға көмектеседі. Бұл әдіс медицина, азық-түлік өнеркәсібі және биотехнология салаларында кең мүмкіндіктер ашады.
ПРОЦЕСС БІРНЕШЕ КЕЗЕҢНЕН ТҰРАДЫ
• Үлгіден ДНҚ алу.
• Секвенирлеуге арналған ДНҚ фрагменттері кітапханасын дайындау.
• Секвенирлеу – нуклеотидтік тізбекті анықтау.
• Биоинформатикалық талдау – геномды құрастыру, мутацияларды анықтау, референстік тізбектермен салыстыру.
ҚАЙ САЛАДА ҚОЛДАНЫЛАДЫ?
• Азық-түлік қауіпсіздігін қамтамасыз ету
• Медицина
• Эпидемиологиялық және инфекциялық бақылау
• Биотехнология және агрономия
КІМГЕ ЖӘНЕ ҚАНДАЙ ЖАҒДАЙЛАРДА WGS ҚАЖЕТ?
• Санитариялық-эпидемиологиялық бақылау зертханаларына – патогендерді дәл анықтау және ауру ошақтарын анықтау үшін.
• Азық-түлік өнімдерін өндірушілерге – өнімдердің қауіпсіздігін бақылау үшін.
• Генетик-дәрігерлер мен онкологтарге – жекелендірілген диагностика жүргізу және емдеуді таңдау үшін.
• Ғылыми орталықтар мен зерттеу ұйымдарына – организмдердің генетикалық әртүрлілігі мен эволюциясын зерттеу үшін.
WGS ТЕХНОЛОГИЯСЫНЫҢ АРТЫҚШЫЛЫҚТАРЫ
• Деректердің толықтығы – бүкіл геном талданады, жеке учаскелер ғана емес.
• Жоғары дәлдік – сирек кездесетін мутациялар мен генетикалық вариацияларды анықтауға мүмкіндік береді.
• Әмбебаптық – медицина, биология, азық-түлік өнеркәсібі және басқа да салаларда қолданылады.
• Жылдам нәтижелер – Ion S5 сияқты заманауи платформалар деректерді тиімді өңдеуді қамтамасыз етеді.
Санитариялық-эпидемиологиялық сараптама орталығы жоғары дәлдікпен және қысқа мерзімде секвенирлеуді жүзеге асыруға мүмкіндік беретін Ion GeneStudio S5 жүйесін қолданады, бұл оны молекулалық-генетикалық зерттеулер үшін таптырмас құралға айналдырады.
