Жуырда ҚР ПІБ Медициналық орталығының Ұлттық госпиталінде «Медицина саласындағы күйзелісқа төзімділіктің факторы ретінде эмоционалдық интеллект және стрессті басқару машықтары» тақырыбында офлайн семинар өтті.
Ұйымдастырушы – Медициналық технологиялар және ақпараттық жүйелер орталығы (МТАЖО). Семинарды эмоционалдық интеллектті дамыту бойынша сертификатталған тренер және тьютор, MBA, Ericson International кәсіби коучі Эльмира Абайдильдинова жүргізді.
ЭМОЦИОНАЛДЫҚ ИНТЕЛЛЕКТ – ЖАЙ ТРЕНД ЕМЕС, ҚАЗІРГІ ЗАМАННЫҢ ҚАЖЕТТІЛІГІ
Эмоционалдық интеллект бүгінде тек «soft skills» емес – бұл кәсіби өмірде де, жеке өмірде де ішкі тұрақтылықты қамтамасыз ететін маңызды қабілет. Бұл – өзін және айналасын түсініп, эмоцияларды басқаруға, сын сәттерде сабыр сақтауға, қалжырамауға, адаммен қарым-қатынасты дұрыс құруға үйрететін ресурс.
БҰЛ НЕГЕ МЕДИЦИНА САЛАСЫ ҮШІН ӨЗЕКТІ?
Себебі медицина – бұл тек ғылым емес. Бұл – адам жанының нәзік күйімен күн сайын бетпе-бет келетін маманның кәсіби майданы. Эмоционалдық тұрақтылық болмаған жағдайда, дәрігердің өзі де күйзеліске түсуі мүмкін.
ҚАТЫСУШЫЛАР НЕ АЛДЫ?
Семинар соңында қатысушылар ресми сертификатқа ие болды. Бірақ ең құнды нәтиже – өз жағдайына жаңаша көзқарас қалыптастырып көрді. Адамның ішкі ресурсын сақтау әлсіздік емес, керісінше, кәсіби жетілгендіктің белгісі екендігін терең түсінді.
МТАЖО алдағы уақытта да осындай soft skills бағытындағы бағдарламаларды жалғастыруды жоспарлап отыр.
