15 жылдық мерейтойы қарсаңында ҚР ПІБ Медорталығына қарасты «Қарлығаш» балабақшасы мектепке дейінгі білім беру саласындағы көшбасшылық беделін тағы бір мәрте дәлелдеп, «Үздік балабақша – 2025» атағына ие болды. Қазақстан Республикасы Оқу-ағарту министрлігінің бұл беделді марапаты «Тірек мектепке дейінгі ұйымдар» республикалық жобасы аясында табысталды. Жоба мектепке дейінгі тәрбие мен оқыту саласындағы озық тәжірибелерді біріктіруге бағытталған.
Бұл марапат – ұжымның жүйелі еңбегінің нәтижесі. «Қарлығаш» балабақшасында әр балаға қолайлы орта қалыптастырылып, қабілетін ашуға жағдай жасалған. Педагогтердің кәсібилігі, авторлық әдістер мен заманауи технологияларды қолдану балабақшаны ерекше білім беру кеңістігіне айналдырып отыр.
«Қарлығаш» балабақшасында балалардың ынтасын, белсенділігін және қарым-қатынас дағдыларын дамытуға баса назар аударылады. Мұнда мектепке дейінгі жас – тұлға қалыптасатын шешуші кезең деп саналады. Сондықтан оқу бағдарламалары ойын арқылы оқытуды, эмоциялық интеллектті дамытуды және балаларды мәдениетке, спорт пен өнерге ерте баулуды қамтиды.
Сондай-ақ балабақша ата-аналармен тығыз ынтымақтастықта жұмыс істеп, оларды ортақ жобалар мен іс-шараларға белсенді түрде тартады. Мұндай тәсіл сенімді нығайтып, отбасы мен педагогтер бір бағытта – баланың үйлесімді дамуы үшін әрекет ететін ортақ тәрбиелік кеңістік қалыптастырады.
«Үздік балабақша – 2025» атағы ұжым еңбегінің мойындалуы мен жаңа жетістіктерге шабыттандырудың символына айналды. Алда жаңа жобалар, кәсіби жеңістер және балалардың одан да көп бақытты күлкілері болсын!
