Алматы қаласында Қазақстан Республикасы Президенті Іс басқармасы Медициналық орталығының қарамағындағы ұйымдар арасында волейболдан чемпионат өтті. Жарысқа алты команда қатысты:
• «Оқжетпес» емдеу-сауықтыру кешені» АҚ;
• «Қазақстан Республикасы Президенті Іс басқармасы Медициналық орталығының ауруханасы» РМК;
• «Қазақстан Республикасы Президенті Іс басқармасы Медициналық орталығының санитариялық-эпидемиологиялық сараптама орталығы» РМК;
• «Қазақстан Республикасы Президенті Іс басқармасы Медициналық орталығының «Қарлығаш» балабақшасы» РМК;
• «Қазақстан Республикасы Президенті Іс басқармасы Медициналық орталығының Ұлттық госпиталі» РМК;
• «Оқжетпес» емдеу-сауықтыру кешені» АҚ-ның «Алматы» филиалы (Almaty Resort).
Ойындар айналмалы жүйе бойынша өтті және жоғары деңгейдегі жарыстық қарқынмен ерекшеленді. Барлық командалар жақсы дайындық пен үйлесімді ойын көрсетті.
Чемпионат қорытындысы бойынша жүлделі орындар мынадай болды:
🏆 1 орын – «Оқжетпес» емдеу-сауықтыру кешені» АҚ командасы
🥈 2 орын – «Санитариялық-эпидемиологиялық сараптама орталығы» РМК командасы
🥉 3 орын – «Медициналық орталық ауруханасы» РМК командасы
4 орын – «Оқжетпес» емдеу-сауықтыру кешені» АҚ «Алматы» филиалы (Almaty Resort) командасы
Командалық нәтижелерден бөлек, ерекше көзге түскен ойыншыларға арнайы марапаттар табысталды:
• әйелдер арасындағы үздік ойыншы – СЭСО РМК командасының өкілі;
• үздік қорғаушы – Медициналық орталық ауруханасы РМК командасының ойыншысы;
• үздік шабуылшы – «Оқжетпес» емдеу-сауықтыру кешені» АҚ командасының ойыншысы.
Чемпионат тек спорттық жарыс қана емес, сонымен қатар корпоративтік рухты, достықты және командалық бірлікті нығайтудың тамаша мүмкіндігі болды.
