2025 жылдың қаңтар–қыркүйек айлары аралығында Президент Іс басқармасы Медициналық орталығының «Оқжетпес» емдеу-сауықтыру кешені акционерлік қоғамына қарасты санаторийлерде 21 мыңнан астам адам емдік-сауықтыру шараларынан өтті.
Атап айтқанда, есепті кезеңде кешен қызметін 21 982 адам пайдаланды. АО «ЛОК «Оқжетпес» құрамына үш ірі шипажай кіреді:
• «Оқжетпес» шипажайі (Бурабай) – 9 720 демалушы;
• «Almaty Resort» филиалы (Алматы) – 9 174 адам;
• «Қазақстан» шипажайі (Ессентуки, Ресей Федерациясы) – 3 088 адам.
Әрбір шипажай келушілерге жеке оңалту және сауықтыру бағдарламаларын ұсынады. Онда дәстүрлі емдеу тәсілдері заманауи физиотерапия, климатотерапия және табиғи минералды көздерді пайдалану әдістерімен ұштасқан.
Санаторийлердің ең көп сұранысқа ие бағыттары:
• жүрек-қан тамырлары және тыныс алу жүйесі ауруларын емдеу;
• неврологиялық және тірек-қимыл оңалту бағдарламалары;
• COVID-19-дан кейінгі және күйзелістен кейінгі қалпына келтіру;
• иммунитетті күшейту және созылмалы аурулардың алдын алу;
• anti-age, detox және әйелдер денсаулығына арналған бағдарламалар.
Кешеннің барлық шипажайлары жоғары медициналық стандарттарға сай жұмыс істейді. Қонақтарға денсаулықты кешенді түрде қалпына келтіру, жайлы жағдай мен кәсіби қолдау көрсетуге баса назар аударылады.
