2025 жылғы 3 желтоқсанда ҚР ПІБ МО Ұлттық госпиталі базасында жас мамандардың III Республикалық ғылыми конференциясы «SOVMIN FORUM 2025» өтеді.
Бұл жиын жыл сайын еліміздің жетекші медициналық ұйымдарының жас ғалымдары мен дәрігерлерін ортақ алаңда тоғыстырады.
Бағдарламада қазіргі клиникалық ғылымның негізгі бағыттары бойынша мазмұнды баяндамалар ұсынылады. Олардың ішінде кардиология, нейродиагностика және деменцияны ерте анықтау, урология, трансплантология, акушерлік іс және хирургиялық бағыттар бар.
Қатысушылар денсаулық сақтау саласындағы өзекті мәселелерді шешуге бағытталған зерттеу нәтижелері мен тәжірибелік әзірлемелерін таныстырады.
Жиында диагностика мен емдеудің жаңа технологиялары қарастырылып, отандық медициналық импланттарды әзірлеуге арналған жеке сессия өтеді.
