ҚР ПІБ Медициналық орталығының «Қарлығаш» балабақшасы» Білім сапасын тәуелсіз аккредиттеу және бағалау жөніндегі халықаралық агенттік – МАНАоКО стандарттарына сәйкес халықаралық институционалдық аккредиттеуден сәтті өтті. Бұл жетістік балабақшаның дамуындағы маңызды кезең болып, мектепке дейінгі білім беру сапасын қамтамасыз етудегі жүйелі жұмысты айқындайды.
МАНАоКО – білім беру ұйымдары мен бағдарламаларын халықаралық стандарттарға сәйкестігі бойынша тәуелсіз бағалайтын агенттік.
Халықаралық институционалдық аккредиттеуден өту балабақшаның білім беру қызметінің сапасын объективті түрде растауға, басқару жүйесі мен бағдарламалардың тиімділігін бағалауға және одан әрі даму бағыттарын айқындауға мүмкіндік берді.
Аккредиттеу аясында стратегиялық басқару, материалдық-техникалық қамтамасыз ету, тәрбиеленушілердің әл-ауқаты, білім беру бағдарламалары мен сапаны басқару жүйесін қамтыған кешенді өзін-өзі бағалау жүргізілді. Қорытынды кезеңде Қазақстан мен Корея мамандарының қатысуымен сыртқы сараптамалық бағалау өтіп, балабақша қызметі мектепке дейінгі білім берудің халықаралық стандарттарына толық сәйкес деп танылды.
Халықаралық аккредиттеу педагогикалық ұжымның кәсіби деңгейін, білім беру бағдарламаларының тиімділігін және қауіпсіз әрі қолайлы білім беру ортасын қалыптастыруға бағытталған жұмысын растайды. Бұл жетістік ата-аналар мен қоғам тарапынан сенімді нығайтып, балабақшаның одан әрі дамуына жаңа мүмкіндіктер ашады.
