Қазақстан Республикасы Президенттік орталығында өткен тоғызқұмалақтан дәстүрлі турнир қорытындысы бойынша Медициналық орталықтың командасы, командалық есепте бірінші орынды иеленіп, үздік нәтиже көрсетті.
Аталған зияткерлік жарыс Наурыз мерекесі қарсаңында ұйымдастырылып, Қазақстан Республикасы Президентінің Іс басқармасына қарасты ведомстволар мен ұйымдардың қызметкерлерін біріктірді. Турнир ұлттық құндылықтарды дәріптеуге, ұрпақтар сабақтастығын нығайтуға бағытталған маңызды шаралардың бірі болып табылады.
Биылғы додаға Іс басқармасының 13 ұйымынан командалар қатысып, жоғары деңгейдегі тартысты ойын көрсетті. Жарыс дәстүрлі түрде достық әрі әділ бәсекелестік жағдайында өтіп, қатысушылар мен көрермендерге жағымды әсер сыйлады.
