Медициналық орталыққа қарасты ұйымдардың қызметкерлері «Таза Қазақстан» экологиялық акциясын жүзеге асыруға қатысуды жалғастыруда.
Бүгін Медициналық орталық ауруханасы мен Ұлттық госпитальдың шамамен 150 қызметкері Астана және Алматы қалаларындағы бекітілген аумақтарда өткен сенбілікке қатысты.
Астанада қатысушылар «Менің атым Қожа» ескерткіші маңындағы Жетісу саябағында, сондай-ақ Медициналық орталық ауруханасының аумағында санитарлық тазалық жұмыстарын жүргізді, ал Алматыда жұмыстар Алматы ауыр машина жасау зауытының аумағында өтті.
Сенбілік барысында қызметкерлер шамамен 100 қап қоқыс жинап, аумақты қураған өсімдіктерден тазартты, абаттандыру жұмыстарын жүргізіп, ағаш отырғызды.
