Бүгін «Таза Қазақстан» республикалық экологиялық акциясы аясында Қазақстан Республикасы Президентінің Іс басқармасы Медициналық орталығының және оның ведомстволық бағынысты ұйымдарының қызметкерлері жалпықалалық сенбілікке белсенді қатысты.
Іс-шараға Медициналық орталық жүйесінің 400-ден астам қызметкері қатысты. Жұмыс барысында аумақтарға санитариялық тазалау жүргізіліп, Қарасу өзенінің жағалау аймағы тазартылды, сондай-ақ абаттандыру, ағаштар мен жол жиектерін әктеу жұмыстары орындалды.
Сенбілік қорытындысы бойынша 240-тан астам қап қоқыс жиналып, 20-дан астам ағаш отырғызылды.
Экологиялық акцияларға қатысу қоршаған ортаның санитариялық жағдайын жақсартуға, экологиялық мәдениетті қалыптастыруға және қоғамдық жауапкершілік қағидаттарын нығайтуға ықпал етеді. ҚР ПІБ Медициналық орталығы аумақтарды абаттандыру және тазалықты сақтау бағытында жүйелі түрде іс-шаралар өткізеді.
