Душанбе қалалық Денсаулық сақтау басқармасы басшысының орынбасары Собирзода Ато Джурабой бастаған Тәжікстан Республикасының ресми делегациясы денсаулық сақтау саласын цифрландыру және медициналық көмекті ұйымдастыру тәжірибесімен танысу мақсатында ҚР ПІБ Медициналық орталық ауруханасына келді.
Сапар барысында қонақтарға Аурухана мен Медициналық орталықта енгізілген заманауи цифрлық шешімдер таныстырылды. Делегация медициналық ақпараттық жүйелердің жұмысымен, пациенттерге арналған мобильді сервистермен, медициналық деректерді басқару құралдарымен және медициналық көмектің сапасын цифрлық бақылау тетіктерімен танысты.
Кездесу аясында тараптар денсаулық сақтау саласын цифрландыру, басқарушы және клиникалық кадрларды даярлау, сондай-ақ Қазақстан мен Тәжікстанның медициналық ұйымдары арасындағы озық тәжірибе алмасу бағыттарындағы ынтымақтастық перспективаларын талқылады.
Қазақстан мен Тәжікстанның медициналық ұйымдары арасындағы ынтымақтастықты кеңейту медициналық көмек көрсетудің заманауи тәсілдерін дамытуға және екі ел мамандары арасындағы кәсіби байланысты нығайтуға ықпал етеді. Сапар қорытындысы бойынша денсаулық сақтау саласындағы бірлескен бастамаларды дамыту және кәсіби өзара іс-қимылды жалғастыру жөнінде келісімге қол жеткізілді.
