Медициналық орталығының қызметкерлері қаланы абаттандыру және қоршаған ортаның тазалығын сақтау мақсатында ұйымдастырылған жалпықалалық сенбілікке қатысты. Іс-шараға Медициналық орталықтың 15 қызметкері атсалысты.
Сенбілік барысында қызметкерлер бекітілген аумақты тазалап, абаттандыру жұмыстарын жүргізді. Аумақ күзгі жапырақтар мен қоқыстан тазартылып, нәтижесінде 9 қап қоқыс шығарылды. Сонымен қатар айналаны ретке келтіру, сырлау және әрлеу жұмыстары жүргізілді.
Медициналық орталық қызметкерлерінің сенбіліктерге қатысуы игі дәстүрге айналған. Ұжым «Таза Қазақстан» республикалық акциясы аясындағы экологиялық және қоғамдық бастамаларға тұрақты түрде қатысып, қоршаған ортаның тазалығын сақтауға және қаланы абаттандыруға өз үлесін қосып келеді.
