Астанада өткен United Medical Expo 2026 халықаралық медициналық көрмесінде ҚР ПІБ Медициналық орталығының Ұлттық госпиталі пациенттерді ауруханаға жатқызу және медициналық көмекті ұйымдастыру үдерістерін цифрландыру тәжірибесімен бөлісті.
Ұлттық госпиталь директорының емдеу ісі жөніндегі орынбасары Ғалымжан Галламов цифрлық шешімдердің жоспарлы емдеуге жатқызуды жеңілдетуге, пациенттер ағынын тиімді басқаруға және стационар бөлімшелерінің жұмысын үйлестіруге қалай көмектесетінін түсіндірді.
Басты мақсат – пациенттердің уақытын үнемдеу, артық ұйымдастырушылық қиындықтарды азайту және медициналық көмектің қолжетімділігі мен сапасын арттыру.
Ұлттық госпитальдың тәжірибесі цифрлық технологиялардың медициналық ұйымдар жұмысын тиімді ұйымдастыруға және пациенттерге қызмет көрсету сапасын арттыруға ықпал ететінін көрсетеді.
