Талдықорғанда санитариялық-эпидемиологиялық сараптама және өндірістік бақылау мәселелеріне арналған шеберлік сыныбы өтті.
Қазақстан Республикасы Президенті Іс басқармасы Медициналық орталығының Санитариялық-эпидемиологиялық сараптама орталығы Жетісу облысы бойынша Санитариялық-эпидемиологиялық бақылау департаменті және Ұлттық сараптама орталығымен бірлесіп ұйымдастырған іс-шара «Қазақстан Республикасы ҚР ПІБ Медициналық орталығының күндері» аясында өтті.
Шеберлік сағаты 116 сала өкілдері, оның ішінде инспекторлар, өндірушілер мен тамақтандыру кәсіпорындары қатысты. Қатысушылар өнімнің қауіпсіздігін қамтамасыз етудің заманауи тәсілдерін, нормативтік-құқықтық базадағы өзгерістерді және тіркеуге дейінгі зерттеу әдістерін қарастырды. Білім беру ұйымдарында қауіпсіз тамақтануды ұйымдастыруға, оның ішінде тамақтан улану мен ішек инфекцияларының алдын алуға үлкен көңіл бөлінді.
Негізгі тақырыптардың бірі заңнамадағы өзгерістерді және тамақ өнімдерінің қауіпсіздігін басқару тәжірибесін зерттеу, сондай-ақ өндірістік процестерге байланысты қауіп-қатерді азайту болды. Ауыл шаруашылығындағы диоксиндер мәселесіне – олардың адам денсаулығы мен қоршаған ортаға әсері, ластану жолдары және олардың әсерін барынша азайту әдістеріне ерекше назар аударылды. Ауыл шаруашылығы өнімдеріндегі осы заттардың мөлшерін бақылау, қалдықтарды өңдеуді жақсарту және өндіріс технологияларын оңтайландыру жолдары қарастырылды.
Қатысушыларға санитариялық нормаларды сақтау, оның ішінде олардың сапасын растайтын құжаттары болған жағдайда ғана өнімді қабылдау, шикізат пен дайын өнімді бөлек сақтау, тез бұзылатын тауарларды сақтау шарттарын қатаң сақтау қажеттігі ескертілді. Сонымен қатар, халықтың денсаулығына төнетін қауіп-қатерді азайтуға бағытталған өндірістік бақылауды ұйымдастыру және жүргізу шаралары талқыланды.
Санитариялық-эпидемиологиялық сараптама орталығы 20 жылдан астам уақыт бойы халықтың санитариялық салауаттылығын қамтамасыз ету саласында заманауи зерттеу әдістерін енгізіп жұмыс істеп келеді. 2023 жылдың желтоқсан айында Орталықта жоғары технологиялық жабдықтармен жабдықталған жаңа ғимарат ашылды, бұл зерттеулердің дәлдігі мен жылдамдығын айтарлықтай арттырды.
Бұған дейін Қазақстанның бес аймағынан 1500-ден астам маманды қамтыған іс-шара Орталықтың білім беру бағдарламасының бір бөлігі болып табылады. Бұл бағдарлама қатысушылардың кәсіби деңгейін арттыруға елеулі үлес қосты.
«ҚР ПІБ Медициналық орталығының күндері» білім беру мекемелері үшін де, облыс тұрғындары үшін де санитариялық-эпидемиологиялық жағдайды жақсартуға, озық әдістерді енгізуге және санитариялық-эпидемиологиялық салауаттылық деңгейін арттыруға өз үлесін қосуды жалғастырып келеді.
