Паникалық шабуыл – қысқа уақытта болатын жүрек қағуы, бас айналу, тершеңдікпен қатар жүретін ауыр, азапты үрей ұстамасы. Статистикалық мәліметтерге сүйенсек жер бетінің 2-5 % -і аталмыш психикалық ауру түрімен ауырады. Оның ішінде көбіне әйелдер қауымы. Аурудың пайда болу себептеріне жүйке жүйесінің дисфункциясы, гормондық бұзылулар немесе адам бойындағы өзіндік ерекшеліктер жатады. Отыз жылдық еңбек өтілі бар Ұлттық госпитальдің невропотологі Лаура Құттыбаева паникалық шабуылдың пайда болу себептерінің қатарына омыртқадағы бұқзылыстарды атап отыр.
«Ең алдымен паникалық шабуыл ауа жетіспеушілігімен адамның үнемі алаңдаушылық жағдайымен сиппаталады. Алғашында адамдар бұған аса мән бермейді, алайда шабуыл үдеген сәтте терапевт, гастроэнтеролог, пульмонолог және эндокринолог дәрігерлердің көмегіне жүгінеді. Дәрігерлер өз тарапынан аурудың себебін іздеп, ем-шара есеінен түрлі дәрі-дәрмек тағайындайды. Оның ішінде антидепрессанттар да кездеседі. Алайда ол көмектеспейді», - дейді невролог.
Дәрігердің айтуынша, пациентті ең алдымен МРТ-ға зерттеуіне жіберу керек.
«Жоғарыда аталған симтомдармен келген науқастарды біз МРТ-ға жібереміз. Нәтижесіне сәйкес жаттығулар тағайындап, тыныс алу, физиотерапия, спазмды жеңілдету үшін инъекциялар түрін жазып береміз. Біздің аурухана дәрігерлері ақылдаса отырып, кешенді ем түрін ұсынады. Мен паникалық шабуылдың пайда болу себептерінің бірі ретінде омыртқа мәселесін қарастырамын», - деп сөзін толықтырды Лаура Құттыбаева.
Паникалық шабуыл аса қауіпті ауру түріне жатпайды. Оны дұрыс тыныс алу арқылы емдеуге болады. Алайда ол практика адамға ыңғайсыздық туғызады.
Алдын алу үшін дәрігерлер салауатты өмір салтын ұстануға, күйзелістен аулақ болуға, сондай-ақ зиянды әдеттерден арылуға кеңес береді.
