Қазақстан Республикасының Медицина қызметкері күніне орай ҚР ПІБ Медициналық орталығында салтанатты іс-шара өтіп, оған қарасты ұйымдардың 50-ден астам қызметкері марапатқа ие болды.
Кәсіби мерекемен әріптестерін құттықтаған Медициналық орталықтың басшысы Рустам Албаев ұжымның отандық денсаулық сақтау саласын дамытудағы маңызды рөлін ерекше атап өтті.
Салтанатты рәсім барысында қызметкерлерге Қазақстан Республикасы Денсаулық сақтау министрлігінің мемлекеттік және ведомстволық наградалары, «Еңбек ардагері» медалі, «Денсаулық сақтау ісіне қосқан үлесі үшін» және «Денсаулық сақтау ісінің үздігі» төсбелгілері, сондай-ақ Құрмет грамоталары мен Денсаулық сақтау министрінің Алғыс хаттары табысталды.
Сонымен қатар, бірқатар қызметкер «Үздік еңбегі үшін» төсбелгісімен, сондай-ақ Медициналық орталық басшысының Құрмет грамоталары және Алғыс хаттарымен марапатталды.
